काठमाडौं । नेपाली कांग्रेसका दोस्रो पुस्ताका तीन नेताबीच आज पनि छलफल भएको छ ।
कांग्रेस उपसभापति विमलेन्द्र निधि, महामन्त्री शशांक कोइराला र पूर्वमहामन्त्री प्रकाशनमान सिंहबीच आज पनि छलफल भएको छ ।
निधि र कोइराला लञ्च मिटिङका लागि सिंह निवास चाक्सीबारी ठमेल पुगेका छन् ।
कांग्रेसको आसन्न १४औं महाधिवेशनको मिति नजिकिँदै जाँदा पार्टी सभापतिमा दोस्रोपुस्ताबाट उम्मेदवार बन्ने उद्देश्यले यी तीन नेताबीच विगत केही दिनयता सघन छलफल भैरहेको छ ।
तीनै जना नेता सभापतिको दाबेदार भएपनि सहमतिमा एक जनाले सभापतिको उम्मेदवार बनेर अन्य पदमा आफु र आफ्ना नेताहरुलाई समायोजन गर्न सकिने समीकरणसहितको खोजीमा लागिरहेका छन् ।
उपसभापति निधि सभापति शेरबहादुर देउवाका अति विश्वासपात्र नेता हुन् । तर, निधिले यसपटक देउवालाई आफुलाई सघाउन आग्रह गर्दै सभापतिमा उठ्ने बताइसकेका छन् । जसका कारण देउवा दबाबमा परेका छन् ।
प्रतिक्रिया