काठमाडौं । निर्वाचन आयोगल जनता समाजवादी पार्टी जसपाका दुई पक्षलाई छलफलका लागि बोलाएको छ ।
आयोगले अध्यक्षद्वय उपेन्द्र यादव र महन्थ ठाकुर पक्षलाई छलफलका लागि असार २२ गते बोलाएको हो । दुवै पक्षले एकअर्का विरुद्ध कारवाही गर्दै पार्टीको आधिकारिकताका लागि दाबी गर्दै आयोगमा निवेदन दिएपछि आयोगले बोलाएको हो ।
राजनीतिक दलसम्बन्धी ऐनको दफा ४४ को ४ बमोजिम उनीहरूलाई छलफलका लागि बोलाइएको आयोगले जनाएको छ । आयोगले दुई पक्षबीचको विवाद निरुपणका लागि आपसी सहमति गराउन बोलाएको हो ।
पार्टीको अधिकारिकताको दाबी गर्दै यही असार ४ गते उपेन्द्र यादव पक्षले आयोगमा निवेदन दिएपछि आयोगले महन्थ ठाकुर पक्षलाई १५ दिनभित्र जवाफ दिन पत्र लेखेको थियो । त्यसपछि पुषमा बसेको कार्यकारिणी बैठकबाट आफुले एकल अधिकार प्राप्त गरेको दाबी गर्दै महन्थ ठाकुराले यादव पक्षका २० कार्यकारिणी सदस्यलाई हटाएर आफु अनुकुलको कमिटी गठन गरेर आयोगमा पत्राचार गरेका थिए ।
प्रतिक्रिया