काठमाडौं । नेकपा एमालेको दशौं राष्ट्रिय महाधिवेशन आयोजक कमिटी बैठक अन्तिम बैठक बालुवाटारमा सुरु भएको छ ।
सर्वोच्चच अदालतले दशौं महाधिवेशन आयोजक कमिटीलाई मान्यता नदिएपछि जेठ २, २०७५ को केन्द्रीय कमिटीमा फर्किन बाध्य भएको एमालेले सो आयोजक कमिटीको खारेज गर्नेगरी अन्तिम बैठक बसेको हो । यही बैठकले औपचारिक रुपमा आयोजक कमिटी खारेज गरी नेकपा माओवादीकेन्द्रसँग पार्टी एकता गर्नुअघि ३९ जना सदस्य थप गरेर बनाइएको २४१ सदस्यीय केन्द्रीय कमिटी बैठक कायम गर्न लागेको हो ।
आजको बैठकमा एमालेका वरिष्ठ नेता माधवकुमार नेपाल र झलनाथ खनालसहित कारवाहीमा परेका ११ जनाबाहेक अन्य सबै सदस्यलाई बोलाइएको छ । तर, माधव नेपाल पक्षका नेताहरु भने बैठकमा उपस्थित भएका छैनन् ।
नेपाल पक्षले नवौं महाधिवेशनबाट निर्वाचित २०३ सदस्यीय केन्द्रीय कमिटीको बैठक बोलाउनुपर्ने बताउँदै आएको छ ।
सर्वोच्च अदालतले नेकपाको एकता खारेज गर्दै एमाले ब्यँुताइदिएपछि गत फागुन २८ गते पार्टी अध्यक्ष केपी शर्मा ओलीले दशौं महाधिवेशन आयोजक कमिटी गठन गरेका थिए ।
प्रतिक्रिया