काठमाडौं । नेकपा एमालेका अध्यक्ष एवं प्रधानमन्त्री केपी शर्मा ओलीले आइतबारदेखि चाहिएजति खोप आउने दाबी गरेका छन् ।
नेकपा एमालेको केन्द्रीय कमिटीको बैठकलाई सम्बोधन गर्दै ओलीले पर्सिदेखि चाहिएजति खोप आउने दाबी गरेका हुन् । ओलीले खोप आउने भएपछि विपक्षीहरुमा छट्पटाहट सुरु भएको टिप्पणी गरे ।
उनले विपक्षीहरुले केही दिनमा हाम्रो सरकार बन्दैछ त्यसैले अहिले खोप नदेउ भनेर लविङ गरिरहेको आरोप लगाए ।
ओलीले भारतबाट सम्झौताअनुसार दोस्रो डोज खोप नआउँदा समस्या भए पनि अब खोपको कुनै समस्या नहुने जनाए ।
ओलीले विपक्षीहरुले देशलाई मुठभेड र हिंसामा लैजान खोजेको आरोप समेत लगाए ।
प्रतिक्रिया