काठमाडौं । एमालेका नेताहरुले नेकपा माओवादी केन्द्र खारेजीको माग गर्दै निर्वाचन आयोग पुगेका छन् ।
माओवादी पार्टी परित्याग गरी एमालेको केन्द्रीय कमिटीमा सामेल भएका पूर्वमाओवादी नेताहरु माओवादी केन्द्र खारेजीको माग गर्दैै आयोग गएका हुन् ।
उनीहरुले आयोगमा माओवादी केन्द्र अवैध भएको दाबी पेश गर्न लागेका छन् । यही प्रयोजनका लागि लिलबहादुर थापा, रामचन्द्र मण्डल, टेबहादुर बलमपाखी, दधिराम न्यौपाने, टंक आङबुहाङ लगायतका पूर्वमाओवादी नेताहरु आयोग पुगेका हुन्। उनीहरुले आयोगका पदाधिकारी समक्ष माओवादी केन्द्र असंवैधानिक भएको दाबी गरेका छन् ।
एमालेको स्थायी कमिटीमा रहेका नेताहरुले प्रचण्ड नेतृत्वको माओवादीले २०६९ सालदेखि महाधिवेशन नगरेको आरोप लगाएका छन् ।
माओवादी केन्द्रबाट २०७४ सालको निर्वाचनमा विजयी भएका मणि थापाबाहेकका नेताहरुको सांसद पद माओवादीको आग्रहमा निर्वाचन आयोगले खारेज गरेको छ ।
सांसद पद नभएपछि उनीहरुले खाइपाई आएको मन्त्री पदबाट बर्खास्त गर्न सर्वोच्च अदालतले आदेश जारी गरेपछि उनीहरु पूर्वपार्टीप्रति आक्रमक बनेका हुन् । अवैधानिक पार्टीले कारवाही गर्दा आफुहरुको पद गएकोमा उनीहरुको आक्रोश रहेको छ ।
प्रतिक्रिया