नेपालगन्ज । बाँके प्रहरीले अटोमेटिक पेस्तोलसहित एकजनालाई पक्राउ गरेको छ ।
नेपालगन्ज उपमहानगरपालिका २१, पुरैनाका अजिज अहमद शेषको साथबाट अटोमेटिक अमेरिकन पेस्तोल बरामद भएको प्रहरीले जनाएको छ ।
गोप्य सुचनाका आधारमा प्रहरी परिचालन गरेको बाँके प्रहरीले नेपालगञ्ज उपमहानगरपालिका १९, फुटाहाबाट शेषलाई सो पेस्तोलसहित पक्राउ गरेको हो । शेषलाई एटलस साईकलमा पुरैना बाट राँझा तर्फ जादै गरेको अवस्थामा पक्राउ गरिएको प्रहरीले जनाएको छ ।
शेषले पेस्तोल कुन प्रयोजनका लागि राखेका हुन् भन्ने विषयमा अनुसन्धान भईरहेको बाँके प्रहरी प्रवक्ता डीएसपी मधुसुदन न्याैपानेले बताए ।
प्रतिक्रिया