काठमाडौं । एमाले अध्यक्ष केपी शर्मा ओलीले बोलाएको नेकपा एमालेको स्थायी कमिटी बैठक स्थगित भएको छ । एमाले कार्यदलले सहमतिको मस्यौदा तयार गर्न समय माग गरेका कारण बैठक बस्दै नवसी सोमबार साँझसम्मका लागि स्थगित भएको हो ।
कार्यदलबाट तयार भएको पार्टी एकताबद्ध राख्ने बुँदाहरुमा वरिष्ठ नेता माधवकुमार नेपालले असहमति जनाएको र नेता नेपाललाई मनाउने प्रयास जारी रहेकाले सोमबारसम्मका लागि बैठक स्थगित गरिएको बताईएको छ ।
बैठक जारी रहेकै बेला कार्यदलमा नेपाल पक्षका नेता घनश्याम भुसार नेपाल भेटन निवासमै पुगेका थिए भने आजको बैठक बस्नु अघि पनि नेपाल पक्षका कार्यदलका सदस्यहरुले नेपालसँग बैठक गरेर कार्यदलको बैठकमा आएका थिए ।
शनिबारको बैठकले आईतबार सहमतिको दस्तावेज तयार हुने र एकताको सन्देश जाने निश्चित भएको कार्यदलमा दुबै पक्षका नेताहरुले बताएका थिए । सोही अनुसार मस्यौदाबारे छलफल गर्न अध्यक्ष ओलीले आइतबार चार बजेका लागि स्थायी कमिटीको बैठक डाकेका थिए। पछिल्लो समयमा ओली र नेपाल पक्षबीच अदालतको फैसलाअघि वा पछि कहिले सहमति गर्ने भन्ने विषयमा कुरा अड्किएको बुझिएको छ । आइतबार मध्यान्ह राष्ट्रियसभामा बोल्दै एमाले उपाध्यष्क्ष बामदेव गौतमले अदालतको फैसला आएपछि मात्र सहमति हुने बताएका थिए ।
ओली पक्ष फैसलाअघि र नेपाल पक्ष फैसलापछि सहमति गर्ने पक्षमा रहेको छ। नेता नेपालले अदालतको फैसलालाई प्रभावित हुने गरी अध्यक्ष ओलीसँग कुनै प्रकारको सहमति नहुने अडान लिएका छन्।
प्रतिक्रिया