काठमाडौं । सहमतिको प्रयास भन्दै आज बस्दै नबसी स्थगित भएको एमाले स्थायी कमिटीको बैठक पछि एमाले अध्यक्ष केपी शर्मा ओलीले केन्द्रीय कमिटीको बैठक बोलाएका छन् । नेकपा एमालेको कार्यदलमा सहमतिको प्रयास जारी रहेक बेला ओलीले असार २९ गते बिहान ११ बजे बस्ने गरी केन्द्रीय समिति बैठक बोलाएका हुन् ।
एमाले बिधानमा स्थायी कमिटी बैठकले एजेण्डा तय गरेपछि मात्र केन्द्रीय कमिटी बैठक बोलाउने व्यवस्था भएपनि ओलीले स्थायी कमिटी बैठक स्थगित गरेर सिधै केन्द्रीय कमिटी बैठक बोलाएको एमालेको नेपाल पक्षीय एक केन्द्रीय सदस्यले बताए ।
यसअघि नै ओलीले केन्द्रीय समिति बैठकमा सर्वोच्चबाट आदेश आएको भोलिपल्ट केन्द्रीय कमिटी बैठक बस्ने बताए बमोजिम २९ गतेका लागि बैठक डाकेका हुन् । सर्वोच्चले भोलि (असार २८ गते) फैसला सुनाउँदैछ ।
यस्तै आजै बोलाइएको स्थायी कमिटी बैठक पनि भोलि बेलुकाका लागि सारिएको छ ।
प्रतिक्रिया