काठमाडौं । राष्ट्रपति विद्यादेवी भण्डारीले संविधानको कुनै धारा उल्लेख नगरी शेरबहादुर देउवालाई प्रधानमन्त्रीमा नियुक्त गरेको विषय विवादित बनेको छ ।
प्रधानमन्त्री देउवाले राष्ट्रपतिको विज्ञप्ति नसच्चिएसम्म सपथ ग्रहण हुन नसक्ने स्पष्ट पारेका छन् ।
देउवाले मुख्यसचिव शंकरदास वैरागीलाई आफ्नै निवास बुढानिलकण्ठमा बोलाएर विज्ञप्ति नसच्चिएसम्म सपथ नहुने जानकारी गराएका छन् ।
देउवाले संविधानको धारा उल्लेख नगरी विज्ञप्ति जारी गरेकोमा देउवाले आपत्ति जनाएका छन् ।
सर्वोच्च अदालतको परमादेशपछि राष्ट्रपति भण्डारीले देउवालाई संविधानको कुनै धारा उल्लेख नगरी मंगलबार दिउँसो मात्र प्रधानमन्त्रीमा नियुक्त गरेककी थिइन ।
देउवा संविधानको धारा ७६ को उपधारा ५ अनुसार प्रधानमन्त्री बनेका हुन् ।
प्रधानमन्त्री नियुक्त गर्दा संविधानको धारा उल्लेख नगरिनु त्रुटिपूर्ण भएको र यसमा राष्ट्रपतिको नियत लुकेको भन्दै कतिपय कानूनविद्हरुले आपत्ति जनाएका थिए ।
प्रतिक्रिया