काठमाडौं । बिभिन्न समयमा प्रहरीबाट पक्राउ परेका कार्यकर्ताहरुको रिहाईको लबिङ गर्न तत्कालिन प्रधानमन्त्री केपी शर्मा ओलीकोमा धाईरहेका नेत्रबिक्रम चन्द ‘विप्लव’ सत्ता समिकरण परिवर्तन भएसँगै माओवादी केन्द्रका अध्यक्ष प्रचण्डलाई भेट्न खुमलटार पुगेका छन् । आली सरकारसंग भएको सहमतिको कार्यान्वयनको माग गर्दै प्रचण्डसँग भेटवार्ता गर्न विप्लव खुमलटार पुगेका हुन् ।
अध्यक्ष प्रचण्ड र विप्लवबीच कार्यकर्ता रिहा तथा पूर्व सरकारसँग भएका सहमतिको कार्यान्वयनका सम्बन्धमा छलफल भएको स्रोतले दाबी गरेको छ । विप्लव समुह शान्ति प्रक्रियामा आउने शर्तमा थुनामा रहेका सो समुहका कार्यकर्ता रिहाई गर्ने लिखित सहमति पूर्व सरकारसँग भएपनि ओलीले पछिल्लो समय विप्लवसँग भएको सहमतिको बेवास्ता गर्दै आएका थिए ।
शान्तिपूर्ण राजनीतिमा आएपछि विप्लवले पहिलो पटक प्रचण्डलाई भेटेका हुन् । प्रचण्डलाई भेट्न नेता विप्लव पार्टीका अर्का नेता धर्मेन्द्र बास्तोलालाई लिएर प्रचण्ड निवास खुमलटारमा पुगेका थिए ।
प्रतिक्रिया