काठमाडौं । नेकपा एमालेको अध्यक्ष केपी शर्मा ओलीले पार्टीको संसदीय दलको बैठक बोलाएका छन् ।
संसदीय दलका नेता समेत रहेका अध्यक्ष ओलीले शुक्रबार दिउँसो ३ बजे बस्नेगरी दलको बैठक बोलाएका हुन् ।
संसद भवल नयाँ वानेश्वरस्थित ल्होत्से हलमा बैठक बस्ने गरी सांसदहरुलाई सूचना पठाइएको छ । बैठकका लागि माधवकुमार नेपाल निकट सांसदहरुलाई पनि सूचना पठाइएको छ ।
दुई दिनअघि प्रधानमन्त्री पदबाट बाहिरिएपछि प्रतिपक्षीको हैसियतमा पुगेको दलले अब संसदभित्र खेल्नुपर्ने भूमिकाका विषयमा छलफल हुनेछ । सर्वोच्च अदालतको आदेशमा प्रतिनिधिसभाको बैठक साउन ३ गते बस्दैछ ।
यसअघिको संसदीय इतिहासमा सशक्त प्रतिपक्ष बनेको एमालेले सरकारलाई अप्ठेरो पर्नेगरी संसदमा प्रस्तुत हुने रणनीति बनाउनेछ ।
प्रतिक्रिया