काठमाडौं । नेकपा एमालेका अध्यक्ष केपी ओलीको निर्देशनमा युथ फोर्स गठन भएको २ दिनपछि एमाले वरिष्ठ नेता माधवकुमार नेपाल पक्षको अनेरास्ववियूले पनि अखिल फोर्स गठन गरेको छ ।
बिहीबार आरआर क्याम्पसमा नेपाल समूहको अखिल नेपाल राष्ट्रिय स्वतन्त्र विद्यार्थी युनियन (अनेरास्ववियू)को उपत्यकास्तरीय कार्यकर्ता भेलाले नेपाल पक्षको अखिलले काठमाडौंको रत्न राज्यलक्ष्मी क्याम्पसका स्ववियू सभापति तपेन्द्रबहादुर शाहीको संयोजकत्वमा अखिल फोर्स गठन गरेको हो ।
एक साताभित्र एक हजार एकजनाको फोर्स निर्माण हुने कार्यक्रममा बताईएको थियो । तमाम बेथितिका विरुद्ध काम गर्न फोर्स गठन गरिएको अनेरास्ववियूकी महासचिव आरती लामाले जानकारी दिइन् ।
गएको मंगलबार पार्टी अध्यक्ष केपी शर्मा ओली समूहले युथ फोर्स पुनर्गठन गरेको थियो ।
प्रतिक्रिया