भैरहवा । नापी कार्यालय भैरहवा परिसरबाट प्रहरीले दुई जना विचौलियालाई पक्राउ गरेको छ । सेवाग्राहीको काम छिटो गराइदिने बहानामा अतिरिक्त शुल्क असुल्दै आएका उनीहरूलाई आज प्रहरी टोलीले नियन्त्रणमा लिएको हो ।
पक्राउपर्नेमा रुपन्देहीको ओमसतिया गाउँपालिका-३ बस्ने ३२ वर्षीय शिव नारायण कुर्मी र रोहिणी गाउँपालिका-३ बस्ने ३० वर्षीय सुरेन्द्र मल्लाह रहेका छन् ।
उनीहरूविरुद्ध बिचौलिया गतिविधिमा संलग्न भई सेवाग्राहीबाट गैरकानुनी रूपमा रकम असुल गरेको आरोप लागेको प्रहरीले जनाएको छ ।
जिल्ला प्रहरी कार्यालय रुपन्देहीका सूचना अधिकारी प्रहरी नायव उपरीक्षक कृष्ण कुमार चन्दका अनुसार पक्राउ परेकामाथि थप अनुसन्धान कार्य जारी रहेको छ ।
प्रतिक्रिया