प्रधानमन्त्री देउवाले बोलाए काँग्रेस संसदीय दलको बैठक

काठमाडौं । सत्तारूढ दल बनेपछि नेपाली काँग्रेसको पहिलो पटक संसदीय दलको बैठक बस्ने भएको छ । काँग्रेस संसदीयदलका नेता एवं प्रधानमन्त्री शेरबहादुर देउवाले आइतबार दिउँसो २ बजे नयाँ बानेश्वरस्थित संसद भवनमा बस्ने गरि बैठक बोलाएका छन् ।

काँग्रेस सभापति तथा संसदीय दलका नेता देउवा प्रधानमन्त्री बनेपछि पहिलो पकट काँग्रेसको संसदीय दलको बैठक बस्न लागेको हो। भोलिबाट शुरुहुने प्रतिनिधिसभा बैठकमा काँग्रेस सांसदहरुको भूमिका तय गर्न बैठक डाकिएको काँग्रेस संसदीयदलकी सचेतक पुष्पा भुसालले जानकारी दिएकी छिन् । सचेतक भुसालका अनुसार बैठक विश्वासको मत, सरकारको प्रभावकारिता र मन्त्री छनोट लगायतका विषयमा पनि छलफल हुनेछ ।

सर्वोच्चको संवैधानिक इजलासले ब्युँताईदिएको प्रतिनिधिसभाको बैठक भोलि ४ बजेका लागि आह्वान गरिएको छ ।