काठमाडौं । जनता समाजवादी पार्टी (जसपा)ले प्रधानमन्त्री शेरबहादुर देउवालाई विश्वासको मत दिने निर्णय गरेको छ ।
जसपा संसदीय दलका जेष्ठ सदस्य महेन्द्र राय यादवको अध्यक्षतामा आज बसेको बैठकले देउवालाई विश्वासको मत दिने निर्णय गरेको सांसद प्रदीप यादवले जनाएका छन् ।
प्रधानमन्त्री देउवाले आजै बस्ने प्रतिनिधिसभाको दोस्रो बैठकमा विश्वासको मत लिन लागेका छन् ।
संसद विघटनको समयमा जसपाका अध्यक्ष उपेन्द्र यादव पक्षमा १२ जना मात्र रहेकोमा अहिले ५ जना थप सांसदहरु महन्थ ठाकुर पक्षबाट फर्किएका छन् । अब यादवसँग संसदीय दलमा समेत सहज बहुमत पुगेको छ ।
देउवाले आज विश्वासको मत लिएपछि बस्ने जसपा संसदीय दलको अर्को बैठकले दलको नेता चयन गरेर सरकारमा सहभागी हुने बताइएको छ ।
प्रतिक्रिया