काठमाडौं । प्रतिनिधिसभा पुनर्स्थापना भएपछि संसदीय समिति पनि पुनः सक्रिय बन्न थालेका छन् ।
मंगलबार राज्य व्यवस्था तथा सुशासन समितिको बैठक बसेको छ । बैठकमा विपद् र दैविक प्रकोप सम्बन्धि विषयमा मन्त्रीलाई बोलाएर छलफल गर्ने निर्णय भएको भएको छ ।
बैठकमा सभापति शशी श्रेष्ठले शुक्रबार सम्बन्धित मन्त्रीलाई बोलाएर यस विषयमा छलफल गर्ने बताइन ।
बैठकमा सांसदहरुले बाढी पहिरो तथा डुबानबाट पीडित भएका जनताको उद्दार, राहत तथा पुनस्र्थापनापछिको विषयमा जनस्तरबाट गुनासो आएको बताएका थिए ।
कतिपय स्थानमा सरकारको उपस्थिती नै नभएको भन्दै सांसदहरुले गृहमन्त्री बालकृष्ण खाँडलाई बोलाएर जानकारी लिनुपर्ने धारणा राखेका थिए । त्यसपछि सभापति श्रेष्ठले शुक्रबार मन्त्रीलाई बोलाउने बताएकी हुन् ।
प्रतिक्रिया