काठमाडौं । जनता समाजवादी पार्टीको विवाद निरुपण गर्न गठित निर्वाचन आयोगको इजलासले जसपाको कार्यकारिणी समितीका सदस्यहरुलाई सनाखतका लागि बोलाउने निर्णय गरेको छ । आयोगले विवाद निरुपणका लागि भन्दै कार्यकारिणी समितिका ५१ सदस्यलाई सनखतका लागि बोलाएको हो । तत्कालीन संघीय समाजवादी पार्टी नेपाल र राष्ट्रिय जनता पार्टी नेपालबीच एकता बखत हस्ताक्षर गरेका कार्यकारिणी समितिका ५१ जना सदस्यलाई आयोगले साउन ११ गते उपस्थितीका लागि पत्राचार गरेको आयोगका प्रवक्ता राजकुमार श्रेष्ठले जानकारी दिए ।
उनीहरुलाई नागरिकताको सक्कल प्रति वा मतदाता परिचयपत्रसहित उपस्थित हुन आयोगको इजलासबाट आदेश गरेको प्रवक्ता श्रेष्ठले बताए ।
आयोगले राजनीतिक दल विभाजनसम्बन्धी कानुन अनुसार जसपाको विवाद निरुपणका लागि इजलास गठन गरेको थियो । ओली सरकारसँगको समिकरणमा संसदीयदलमा ठाकुर पक्ष केही बलियो देखिएपनि कार्यकारिणी समितिमा भने उपेन्दै पक्षको पल्ला भारी देखिँदै आएको छ । सर्वोच्च को फैसलाले सत्ता समिकरण फेरिएसाग् संसदीयदलमा पनि पछिल्लो समयमा बराबरीको संख्यामा ठाकुर र यादव पक्षमा देखिएका छन् ।
कार्यकारिणी समितिमा आफ्नो पक्षका ३० भन्दा धेरै सदस्य रहेको दाबी गरेको यादव पक्षले संसदीय दलमा पनि १७ सांसद रहेको दाबी गरेको छ।
प्रतिक्रिया