काठमाडौं । जनता समाजवादी पार्टी (जसपा)ले कार्यकारिणी समिति बैठक बोलाएको छ ।
अध्यक्ष उपेन्द्र यादवले आजै दिउँसो २ बजे पार्टी कार्यालय बालकुमारीमा बस्ने गरी पार्टीको कार्यकारिणी समिति बैठक बोलाएका हुन् ।
अध्यक्ष यादव पक्षलाई निर्वाचन आयोगबाट आधिकारिकता दिएपछि पहिलो पटक बैठक बस्न लागेको हो । बैठकमा अब पार्टीको संगठनात्मक अवस्था र सरकारमा सहभागीताबारे छलफल हुने बताइएको छ ।
अब, जसपामा उपेन्द्र यादव शक्तिशाली भएका छन् । अर्का अध्यक्ष ठाकुरसहित उनको पक्षमा हस्ताक्षर गरेका १६ जना सदस्यलाई के गर्ने भन्ने विषयमा कार्यकारिणी समिति बैठकमा छलफल हुने भएको छ । यस्तै, पार्टीको संसदीय दलको विधानबारे पनि छलफल हुनेछ ।
निर्वाचन आयोगले सोमबार मात्र यादव पक्षलाई आधिकारिकता प्रदान गरेको थियो । कार्यकारिणीमा ३४ जना सदस्यहरुले यादव पक्षमा सनाखत गरेका थिए । अर्का अध्यक्ष महन्थ ठाकुर पक्षमा भने जम्मा १६ जनाले सनाखत गरेको थिए । यस्तै जेलमा रहेका रेशम चौधरी तटस्थ बसेका थिए ।
प्रतिक्रिया