काठमाडौं । जनता समाजवादी पार्टी जसपाले संसदीय दलको नेता चयनका लागि प्रक्रिया सुरु गरेको छ ।
जसपाको आज बसेको कार्यकारिणी समिति बैठकले दलको विधानलाई पारित गर्दै नेता चयनका लागि प्रक्रिया सुरु गरेको हो ।
दलको नेता चयनका गर्न जसपाले ३ सदस्यीय निर्वाचन समिति गठन गरेको नेता मोहम्मद इस्तियाक राईले बताएका छन् । नवराज सुवेदी संयोजक रहेको समितिमा रमेश यादव र सुशीला श्रेष्ठ सदस्य रहेका छन् ।
बैठकले निर्वाचन आयोग र अदालतमा रहेका मुद्दा मामिला हेर्ने जिम्मा प्रकाश अधिकारीलाई तोकेको छ ।
निर्वाचन आयोगले उपेन्द्र यादव पक्षलाई आधिकारिकता दिएपछि जसपाको आज कार्यकारिणी बैठक बसेको हो । बैठकमा ३४ जना कार्यकारिणी सदस्यहरु उपस्थित भएका थिए ।
प्रतिक्रिया