कक्षा १२ को परीक्षा होम सेन्टरबाट

काठमाडौं । राष्ट्रिय परीक्षा बोर्डले कक्षा १२को परीक्षा होम सेन्टरबाटै गराउने भएको छ ।

संसदको शिक्षा तथा स्वास्थ्य समितिमा उपस्थित परीक्षा बोर्डका सदस्य सचिव दुर्गा अर्यालले यस वर्ष १२ कक्षाको परीक्षा होमसेन्टरबाट गर्न लागेको जनाएका हुन् ।

सदस्यसचिव अर्यालले कोरोना भाइरसको संक्रमणको जोखिम कायमै रहेका कारण यस पटक पनि होम सेन्टरबाट परीक्षा लिन लागिएको बताए ।

भौतिक उपस्थितिमा परीक्षा लिँदा विद्यार्थीहरु एक ठाउँबाट अर्को ठाउँमा जानुपर्ने, यातायातको समस्या र कोठा पाउने समेत समस्या भएको उनले बताए । कोरोना जोखिम नहोस भन्नकै लागि होम सेन्टरको विकल्प चयन गरिएको अर्यालले बताए ।

कोरोना भाइरसको संक्रमणका कारण गत वर्ष पनि कक्षा १२ लगायत सबै परीक्षा प्रभावित भएका थिए । १२ को परीक्षा मंसिर ९ गतेदेखि १६ गतेसम्म भएको थियो । त्यतिबेला परीक्षा बोर्डले सोही वर्षका लागि मात्र परीक्षा कार्यविधि परिवर्तन गरेर परीक्षा लिएको थियो ।