१३ बैशाख २०८१, बिहिबार | April 25, 2024

अखिल फोर्सलाई माधव नेपालको सुझाव : अहंकारी र बेइमानको पछि नलाग्नुस्



काठमाडौं । काठमाडौं । नेकपा एमालेका वरिष्ठ नेता माधवकुमार नेपालले निरंकुश र स्वेच्छाचारी प्रवृत्तिलाई नियन्त्रण गर्नुपर्ने बताएका छन् ।

काठमाडौंमा अखिल फोर्सको भेलालाई सम्बोधन गर्दै नेता नेपालले कम्युनिष्ट पार्टीमा निरंकुश र स्वेच्छाचारी प्रवृति घातक भएको भन्दै नियन्त्रण गर्नुपर्ने बताएका हुन् ।

काठमाडौं जिल्ला पार्टीको बैठकलाई सम्बोधन गर्दै पार्टी अध्यक्ष केपी शर्मा ओलीले माधव नेपाल कम्युनिष्ट आन्दोलन विरोधी र देशद्रोही भएको आरोप लगाइरहँदा नेता नेपालले अखिलका विद्यार्थीहरुमाझ पार्टीलाई निरंकुश र व्यक्तिवादी प्रवृतिबाट जोगाउनुपर्ने धारणा राखेका हुन् ।

नेता नेपालले कम्युनिष्ट पार्टीमा नीति प्रधान हुने भन्दै संस्थागत परिपाटीलाई आत्मसात गर्नुपर्ने बताए। उनले कम्युनिष्ट आन्दोलनमा लागेको व्यक्तिमा इमानदारिता, निष्ठा र समर्पण हुनुपर्ने बताए।

नेपालले अखिल फोर्सलाई अहंकारी नबन्न र अहंकारीको पछि नलाग्न आग्रह गरे । उनले भने ‘बेइमानको पछि नलाग्नुस्। कसैले बचनको पालना गर्दैन भने त्यस्तालाई आदर्श नठान्नुस्। कर्तव्यनिष्ठ बन्नुहोस् ।’

वरिष्ठ नेता नेपालले संविधानलाई नकुल्चिन चेतावनी दिए । नेपालले जनताले रगत र पसिना बगाएर ल्याएको संविधान कुल्चिने चेष्टा नगर्न चेतावनी दिएका हुन् । नेपालले राजतन्त्र फेरि फर्केर नआउने बताउँदै राजतन्त्र ल्याउन कोसिस गर्नेहरू इतिहासको कुडाकर्कटमा फालिने दाबी गरे ।

नेपालले भने देशको हितमा रगत पसिना बगाएर ल्याएको संविधानलाई कसैले कुल्चिने प्रयास गर्छ भने त्यसलाई अस्वीकार गर्ने बताए । उनले जनता वास्तविक हिरो भएको बताउँदै परिवर्तनका संवाहक जनताका अगाडि कुनै पनि प्रतिगमनकारी शक्ति टिक्न नसक्ने जिकिर गरे ।

नेता नेपालले जनताको पीडा सुन्न प्रधानमन्त्री शेरबहादुर देउवालाई सुझवा दिए । नेपाललले कोरोना नियन्त्रण गर्न खोप ल्याउने आफ्नो वाचा सम्झिन देउवालाई आग्रह गर्दै देउवालाई भने, ‘म सरकारको ध्यानाकर्षण गर्न चाहन्छु, जनताको पीडा हाम्रो पनि हो, यो खतरनाक प्रकोपविरूद्ध खोप दिन्छु भनेर घोषणा गर्नुभएको छ, घोषणा मात्रै गरेर आनन्दित नहुनुस् ।’

नेता नेपालले महाकाली नदीमा भारतबाट भएको अमानवियतामाथि छानविन गर्न सरकारको ध्यानाकर्षण गराए। तुइन काटिँदा महाकाली नदीमा नेपाली युवा वेपत्ता भएको भन्दै नेपालले बदमासी वा लापरवाही जे सुकै कारणले भएको भएपनि नेपाली युवामाथि अमानवीय ज्यादती भएको जिकिर गरे । उनले दोषीलाई कारवाही गर्न नेपाल र भारत सरकारको ध्यानाकर्षण गराए ।

 

 

प्रकाशित मिति : १६ श्रावण २०७८, शनिबार  ३ : २९ बजे

सरकारको स्थायित्वबारे चलाइएका हल्ला निराधार : बिष्णु पौडेल

काठमाडौं । प्रमुख सत्ता घटक एमाले उपाध्यक्ष एवं पूर्वअर्थमन्त्री बिष्णु

कर्णालीका मुख्यमन्त्री कँडेलले आज विश्वासको मत लिदै

सुर्खेत । कर्णाली प्रदेशका मुख्यमन्त्री यामलाल कँडेलले आज विश्वासको मत

चित्रकलामा भविष्य खोजिरहेकी निर्मला

कञ्चनपुर । कञ्चनपुरकी कृष्णपुर नगरपालिका-१ सुन्दरीफाँटाकी २४ वर्षीया निर्मला चौधरी

किन बढ्दैछ विश्वभर प्रोस्टेट क्यान्सर ?

काठमाडौं । मेडिकल जनरल ल्यान्सेटको पछिल्लो प्रतिवेदन अनुसार विश्वभर प्रोस्टेट

बाँकेका किसान चैते धानप्रति आकर्षित

नेपालगञ्ज । प्रशस्त उत्पादन हुने जानकारी अगुवा किसानबाट पाएपछि बाँकेका