बुटवल । काँग्रेस निकट नेपाल महिला संघ रुपन्देहीले मुख्यमन्त्री शंकर पोखरेलको निर्देशनमा महिला सांसदलाई अपहरण शैलीमा आफ्नै निवासमा बन्धक बनाईएको घटना फौजदारी अपराध भएको बताएको छ । नेकपा माओवादी केन्द्रकी प्रदेशसभा सदस्य विमला वलीको पहरण शैली र बन्धक बनाईएको सम्बन्धमा आज एम प्रेस विज्ञप्ति निकाल्दै महिला संघले मुख्यमन्त्रीकै निर्देशनमा दाङबाट अपहरण शैलीमा बुटवल ल्याएर मुख्यमन्त्री निवासमै बन्धक बनाईएको घटना प्रति भत्सर्ना एवं निन्दा गरेको छ ।
विज्ञप्तिमा मुख्यमन्त्री पोखरेलको निर्देशनमा एमाले संसदीय दलका प्रमुख सचेतक आफै संलग्न भई अपहरण शैलीमा मुख्यमन्त्री निवास पु¥याईएको आरोप लगाईएको छ ।
एकल महिलासमेत रहेकी लुम्बिनी प्रदेशकी सांसद विमला ओलीलाई मुख्यमन्त्री शंकर पोखरेलको निवासमा ५ दिनसम्म बन्धक बनाइएको र विभिन्न कागजपत्रमा जबरजस्ती हस्ताक्षर गर्न लगाएको उल्लेख गर्दै महिला संघको विज्ञप्तिमा कसैलाई शारीरिक रूपमा बन्धक बनाउनु र उसको इच्छाविपरीत कागजपत्रमा सही गराउनु सामान्य बयान नभएको जनाईएको छ । सांसद विमलामाथि भएको घटना मुलुकको फौजदारी कानुन आकर्षित गर्ने गम्भीर घटना भएको संघले ठहर गरेको छ ।
‘मुख्यमन्त्री शंकर पोखरेलको लुम्बिनी प्रदेश सरकार गत बैशाष १९ मा असंवैधानिक ढंगले निर्माण यता निरन्तर अल्पमतमा रहेर पनि निर्लज्ज ढंगले अराजनैतिक र असंवैधानिक रुपमा संञ्चालन भै आएको कुरा सर्वविदितै छ । अविश्वासको प्रस्तावको सामना नगर्ने, बजेट पेश नै नगर्ने र संसद वरिष्कार गर्ने अन्य पार्टी तोड फोड गर्ने जस्ता घटना त घटाई रहेका छन् ।’ महिला संघको विज्ञप्तिमा लेखिएको छ, -‘जनता, सांसद लगायत सबैको सुरक्षा गर्नुपर्ने दायित्व बोकेको सरकारकै नेतृत्वले अपहरण जस्ता अपराधिक घटनामा प्रत्यक्ष सहभागिता हुनु संघीय लोकतान्त्रिक गणतन्त्र नै धरापमा पर्ने खतरा देखिएको छ ।’
महिला संघले अपराधि जतिसुकै प्रभावशाली नै किन नहोस यथासिंघ्र कानुनको दायरामा ल्याएर कानुनी उपचार गरी पीडितलाई न्यायको अनुभुती प्रत्याभुती गर्नका लागि सरकारसंग माग गरेको छ ।
प्रतिक्रिया