कावासाेती । नेपाली कांग्रेसका महामन्त्री डा शशाङ्क कोइरालाले काँग्रेसको १४ औँ महाधिवेशन मङ्सिर सम्ममा हुने बताएका छन् ।
शुक्रबारको नवलपुरकाे एक कार्यक्रममा बाेल्दै महामन्त्री कोइरालाले भदौमा १४ औँ महाधिवेशन सम्भव नरहेको बताएका हुन ।
गाउँ, नगर, केन्द्र र जिल्लाको अधिवेशन सम्पन्न गरेर महाधिवेशन गर्दा मंसिर सम्मको समय लाग्ने कोइरालाको भनाइ थियो ।
कोइरालाले अबको महाधिवेशन एकताको महाधिवेशन हुने र यो महाधिवेशनले गुटउपगुट भत्काएर काङ्ग्रेसलाई फेरि पनि एक नम्बरको पार्टी बनाउने दिशामा अगाडि बढाउने बताएका हुन् ।
आज कोइराला प्रजातान्त्रका सेनानी स्व. खुसीलाल पाण्डे र उनकी धर्मपत्नी सुमित्रा पाण्डेको स्मृतिमा स्थापना गरिएको खुसु फाउन्डेसनको उदघाटन गर्न जिल्ला आइपुगेका हुन् ।
प्रतिक्रिया