नेपालगन्ज । बाँकेको नेपालगन्जस्थित भेरी अस्पतालमा १५ मिनेटको फरकमा २ जना कोरोना संक्रमितको मृत्यु भएको छ । अस्पतालमा उपचाररत पहिलो संक्रमितको आज बिहान ८ः३० बजे मृत्यु भएको १५ मिनेटमा अर्को संक्रमितको पनि मृत्यु भएको जिल्ला कोभिड १९ व्यवस्थापन केन्द्रले जनाएको छ ।
डीसीएमसीका कोरोना फोकलपर्शन तेज वलीका अनुसार तुलसिपुर उपमहानगरपालिका १५, दाङका ४५ वर्षिय पुरुषको आज बिहान ८ः४५ बजे मृत्यु भएको थियो भने त्यसको १५ मिनेट पछि भेरीगँगा नगरपालिका १० सुर्खेतका ३९ वर्षिया महिलाको मृत्यु भएको थियो । दाङका पुरुष साउन २१ गते संक्रमण पुष्टि भएपछि २२ गते भेरी अस्पताल भर्ना भएका थिए भने सुर्खेतकी महिला साउन ५ गतेबाट भेरीमा उपचाररत थिईन् । गयराती २ बजे रोल्पाबाट उपचार गर्न भेरी ल्याईएका एक संक्रमितको मृत्यु भएको थियो ।
आज मृत्यु भएसँगै बाँकेमा आएर अन्य जिल्लाका कोरोना संक्रमितको मृत्यु हुनेको संख्या ३८६ पुगेको छ ।
प्रतिक्रिया