काठमाडौं । नेकपा (एमाले)को आन्तरिक विवाद र पार्टी एकताको विषयमा उपाध्यक्ष भीम रावल र महासचिव ईश्वर पोखरेलबीच छलफल भएको छ ।
पोखरेलको निवास धापासीमा भएको छलफलमा दुवै नेताले अन्य नेतासँग पनि निरन्तर संवाद गरी गत असार २७ गते भएको १० बुँदे सहमतिको जगमा एकताबद्ध पार्टी निर्माणका लागि पहल गर्ने समान धारणा व्यक्त गरेका छन्।
महासचिव पोखरेलले पार्टीमा असन्तुष्ट नेताहरुसँग निरन्तर संवाद गर्दै आएका छन् । प्रतिनिधिसभाको विघठन, सर्वोच्च अदालतको पुनःस्थापनाको फैसला र नयाँ सरकारलाई समर्थन जस्ता विषयमा एमाले गम्भीर मतभेद छ ।
अध्यक्ष केपी शर्मा ओली लचिलो नभएमा वरिष्ठ नेता माधवकुमार नेपाल पक्षले नयाँ पार्टी खोल्नसक्ने जनाएको छ ।
प्रतिक्रिया