प्रदेश २ का प्रदेश प्रमुख राजेश अहिराज पदमुक्त, हरिशंकर मिश्र नयाँ प्रदेश प्रमुखमा सिफारिस

खबर कुरा
३२ श्रावण २०७८, सोमबार
                 

काठमाडौं । सरकारले प्रदेश २ का प्रदेश प्रमुख डा. राजेश झा अहिराजलाई पदमुक्त गरेको छ ।

मन्त्रिपरिषद्को सोमबार बसेको बैठकले प्रदेशप्रमुख अहिराजलाई पदमुक्त गरेको हो । उनको स्थानमा हरिशंकर मिश्रलाई नियुक्त गर्न सरकारले राष्ट्रपति विद्यादेवी भण्डारीलाई सिफारिस गरेको छ । मिश्र महोत्तरीका पुराना कांग्रेसी नेता हुन् ।

केपी ओली सरकारले तत्कालिन प्रदेश प्रमुख तिलक परियारलाई हटाएर पत्रकार अहिराजलाई ७ फागुन २०७७ मा प्रदेश प्रमुख नियुक्त गरेको थियो । प्रचण्डसँग सम्बन्ध बिग्रिएपछि तत्कालिन प्रधानमन्त्री ओलीले उनीसँग बदला लिन परियारलाई विना कसुर बर्खास्त गरेका थिए ।

शेरबहादुर देउवाको नेतृत्वमा सरकार बनेपछि लुम्बिनी र गण्डकी प्रदेशका प्रदेश प्रमुख यसअघि नै परिवर्तन भैसकेका छन् ।

यसमा तपाइको मत

Your email address will not be published. Required fields are marked *


*