१३ बैशाख २०८१, बिहिबार | April 25, 2024

एमालेको बहिस्कारकाबीच लुम्बिनीका मुख्यमन्त्रीले मागे विश्वासको मत



बुटवल । लुम्बिनी प्रदेशका मुख्यमन्त्री कुलप्रसाद केसीले विश्वासको मत मागेका छन् । मुख्यमन्त्री केसले संविधानको धारा १८८ को उपधारा १ र प्रदेशसभा नियमावली २०७४ को नियम १४३ को उपनियम ४ बमोजिम विश्वासको मत मागेका हुन् ।

प्रमुख प्रतिपक्षी दल नेकपा एमालेको अवरोधका बीच संचालन भएको प्रदेशसभा बैठकमा मुख्यमन्त्री केसीले विश्वासको मत मागेका हुन् ।
विश्वासको मत माग्दै मुख्यमन्त्री केसीले प्रदेश सरकारले आफ्नो मूल्य र मान्यता अनुसार काम गर्ने प्रतिवद्धता जनाए ।

केसीले गठबन्धनले यसअघि गरेको प्रतिवद्धताअनुसार अघि बढ्ने जनाउँदै प्रदेशलाई समृद्ध बनाउने ऐतिासिक मिशनलाई पुरा गर्न र नमुना प्रदेश बनाउन सहकार्यको हात बढाएको बताए । सरकारले लिएको महाअभियानमा एकतावद्ध साथ दिन आग्रह गरे । उनले आफुहरुलाई विश्वास गरेर राजनीतिक सहयात्राको नयाँ गोरेटो कोर्न आफुलाई विश्वासको मत दिन प्रतिपक्षी दललाई समेत आग्रह गरे ।

केसीले सहमति र सहकार्यको माध्यमबाट अघि बढ्ने जनाए । आफु मुख्यमन्त्री भएपछि प्रमुख प्रतिपक्षी दलले बधाई दिने सामान्य औपचारिकता समेत पुरा नगरेकोमा केसीले दुःख व्यक्त गरे । उनले संविधान प्रदत्त अधिकारलाई कार्यान्वयन गर्ने उद्देश्य पुरा गरिछाड्ने प्रतिवद्धता जनाए ।

मुख्यमन्त्री केसीले आफ्ना सबै दम्भ अहंकार समाप्त पारेर एकपट नयाँ संस्कार र नयाँ रुपान्तरणमा अघि बढ्न आग्रह गरे ।

मुख्यमन्त्री केसीले विश्वासको मत माग्दा प्रमुख प्रतिपक्षी दल एमालेले भने बैठक बहिस्कार गरेको थियो । यसअघि आजै बसेको पहिलो बैठकमा एमालेका सांसदहरुले रोष्टम घेराउ गरेका थिए । त्यसपछि बैठक आधा घण्टाका लागि स्थगित भएको थियो ।

एमालेले आफुले कारवाही गरेको भनिएका दुई सांसद विमला वली र अजयबहादुर शाहीलाई पदमुक्त गर्नुपर्ने माग गरेको थियो। तर प्रदेशसभा सचिवालयले भने दुवै सांसदलाई पदमुक्त गर्ने कानूनी आधार नभएको निस्कर्ष निकाल्दै पदमुक्त गर्न अस्वीकार गरेपछि एमालेले सभामुख पूर्णबहादुर घर्तीको नै राजीनामा मागेको थियो ।

प्रकाशित मिति : ७ भाद्र २०७८, सोमबार  ४ : २५ बजे

त्रिवि भूगोल केन्द्रीय विभागमा माटो परीक्षण तालिम

काठमाडौं । त्रिभुवन विश्वविद्यालय भूगोल केन्द्रीय विभागले माटोको नियमित परीक्षण

१६ औँ योजनाले एकीकृत पूर्वाधार र सूचना प्रविधिको विस्तारलाई जोड दिएको छ : प्रधानमन्त्री

काठमाडौं । प्रधानमन्त्री पुष्पकमल दाहाल ‘प्रचण्ड’ले १६ औँ योजनामा एकीकृत

वेस्ट इन्डिज ए विरुद्ध खेल्ने नेपाली टिमको घोषणा

काठमाडौं । नेपालले वेस्ट इन्डिज ए विरुद्ध खेल्ने टिमको घोषणा

आज सुन तोलाको १ लाख ३५ हजार ८०० रुपैयाँ

काठमाडौं । नेपाली बजारमा सुनचाँदीको मुल्य घटेको छ । नेपाल

बसको ठक्करबाट भरतपुरमा तीर्थयात्रीको मृत्यु

भरतपुर । पूर्वी चितवनको राप्ती नगरपालिकामा बसको ठक्करबाट एक जना