दल विभाजनमा सहभागी नबन्न एमालेद्वारा जनप्रतिनिधिहरुलाई निर्देशन (अपानीसहित)

खबर कुरा
१४ भाद्र २०७८, सोमबार
                 

काठमाडौं । नेकपा एमालेले दल विभाजनमा सहभागी नहुन प्रदेशसभा सदस्य र स्थानीय तहका जनप्रतिनिधिहरुलार्य निर्देशन दिएको छ ।

एमालेले अन्तरपाटी निर्देशिका अपानी जारी गर्दै प्रदेश र स्थानीय तहका जनप्रतिनिधिहरुलाई पार्टी केन्द्रको निर्णय कार्यान्वयन गर्दै दल विभाजनमा सहभागी नबन्न निर्देशन दिएको हो ।

भदौ ८ गते बसेको स्थायी कमिटी र १० गते बसेको केन्द्रीय कमिटी बैठकपछि आइतबार जारी गरिएको अपानीमा निर्वाचन आयोगको सूचनाबाट प्रभावित नहुन निर्देशन दिइएको हो । आयोगले दल रोज्न चाहने प्रदेश र स्थानीय तहका जनप्रतिनिधिहरुलाई भदौ १५ गतेदेखि २२ गतेसम्मको समय दिएको छ ।

अपानीमा भनिएको छ, २१ दिनसम्म प्रदेशसभा सदस्यहरू तथा स्थानीय तहका जनप्रतिनिधिहरूले दल छनोट गर्न पाइने भनी जारी गरिएको सूचनाबाट प्रभावित नहुन, पार्टीमा विभाजन र विखराव ल्याउने प्रयासका विरुद्ध दृढतापूर्वक उभिन र पार्टीको पक्षमा सक्रिय भूमिका निर्वाह गर्न हाम्रो पार्टीको तर्फबाट निर्वाचित सबै प्रदेशसभा सदस्य र स्थानीय तहका जनप्रतिधिहरूलाई बैठकले निर्देशित गरेको छ ।’

अपानीमा थप भनिएको छ, ‘अध्यादेशको उक्त प्रावधान संविधानको अक्षर र भावनाविपरीत रहेको निष्कर्षसहित बैठकले उक्त व्यवस्थाको कानुनी प्रतिवाद गर्ने निर्णय गरेको छ ।’

uml-Apani-12

 

 

 

यसमा तपाइको मत

Your email address will not be published. Required fields are marked *


*