एमसीसी खारेजीको माग गर्दै अमेरिकी दूतावासअगाडि प्रदर्शन

खबर कुरा
१८ भाद्र २०७८, शुक्रबार
                 

काठमाडौं । अमेरिकी सहयोग परियोजना (मिलेनियम च्यालेन्ज कर्पोरेशन)एमसीसी विरुद्ध अमेरिकी दूतावास अगाडि प्रदर्शन भएको छ ।

नेपालले एमसीसी खारेज गर्नुपर्ने मागसहित काठमाडौंस्थित अमेरिकी दूतावास अगाडि युवाहरुले प्रर्दशन गरेका हुन ।

एमसीसी खारेज राष्ट्रिय अभियानको नाममा केही युवाले उच्च सुरक्षा घेरामा रहँदे आएको दूतावास अगाडिको सडकमै प्रदर्शन गरेका हुन् । १० जना प्रदर्शनकारी युवालाई प्रहरीले तत्कालै नियन्त्रणमा लिएको थियो ।

नेपालमा एमसीसी विवादस्पद रहँदै आएको छ । एमसीसी सम्झौतामा राष्ट्रघाती बुँदाहरु रहेको भन्दै नेकपा (माओवादी केन्द्र), नेकप (एकीकृत समाजवादी) लगायतका दलहरुले सम्झौता संशोधन नभै अनुमोदन गर्न नसकिने बताउँदै आएका छन् । तर, प्रधानमन्त्री शेरबहादुर देउवा भने जसरी पनि एमसीसी पारित गर्नुपर्ने अडानमा रहेका छन् ।

नेपालमा राष्ट्रिय सहमति नभैसकेको समयमा नेपाल सरकारलाई दबाब दिन एमसीसीका उपाध्यक्ष फतिमा सुमार अर्को हप्ता काठमाडौं आउँदैछिन् । सुमारले प्रधानमन्त्री देउवा लगायत राजनीतिक दलका नेताहरुसँग भेट गर्ने बताइएको छ । एमसीसी जसरी पनि पारित गर्न नेपाल सरकार र राजनीतिक दलहरुलाई दबाब दिनैका लागि काठमाडौं आउन लागेको बताइएको छ ।

 

यसमा तपाइको मत

Your email address will not be published. Required fields are marked *


*