एमसीसीको विरोधमा अमेरिकी दूतावास अगाडि आज पनि प्रर्दशन

खबर कुरा
२१ भाद्र २०७८, सोमबार
                 

काठमाडौं । एमसीसीको विरोधमा सोमबार पनि अमेरिकी दूतावास अगाडि प्रदर्शन भएको छ ।
मोहन वैद्य नेतृत्वको नेकपा (क्रान्तिकारी माओवादी) निकट विद्यार्थी संगठन अनेरास्ववियू क्रान्तिकारीले एमसीसी खारेजीको माग गर्दै दुतावास अगाडि प्रर्दशन गरेका हुन् ।

प्रदर्शनकारी विद्यार्थीलाई प्रहरीले तत्कालै नियन्त्रणमा लिएको छ । एमसीसी राष्ट्रघाती सम्झौंता भएको उल्लेख गर्दै खारेज गर्न दवाव दिईरहेका उनीहरुलाई प्रहरीले नियन्त्रणमा लिएको हो ।

प्रर्दशनकारीहरुले दुतावास अगाडिको सडकमा उभिएर ‘राष्ट्रघाती एमसीसी सम्झौंता तत्काल खारेज गर’ भन्नेलगायतका चर्का नाराबाजी गरेका थिए ।

अखिल (क्रान्तिकारी)ले एमसीसी पारित गरे सरकारविरुद्ध कडा आन्दोलनमा जान बाध्य हुने चेतावनी समेत दिँदै आएको छ ।

यसमा तपाइको मत

Your email address will not be published. Required fields are marked *


*