काठमाडौं । नेत्र विक्रम चन्द विप्लव नेतृत्वको नेपाल कम्युनिस्ट पार्टीले एमसीसीको विरोधमा देशव्यापी संघर्षको कार्यक्रम घोषणा गरेको छ ।
नेकपाले साताव्यापी संघर्षको कार्यक्रम घोषणा गरेको हो । जनअनुसार भोलिदेखि भदौ भदौ २८ गते काठमाडौँमा एमसीसीको विरोधमा बृहत् जनसभा आयोजना हुनेभएको छ ।
भोलि २३ गते बुधबार एमसीसीको विरोधमा देशव्यापी कोणसभाको आयोजना गरिएको छ । यस्तै २५ गते देशव्यापी विरोध प्रदर्शन आयोजना गरिएको छ भने २६ गते एमसीसी सम्झौता जलाउने कार्यक्रम रहेको नेकपाले जनाएको छ । यस्तै २७ गते सिठ्ठी जुलुस गर्ने र एमसीसी विरुद्ध बेलुन उडाने कार्यक्रम रहेको छ ।
भदौ २८ गते विरोध प्रदर्शनसहित काठमाडौंमा जनसभा आयोजना गरिएको नेकपाले जनाएको छ ।
नेकपाकै अन्तराष्ट्रिय विभागले एमसीसी सम्झौता विरुद्ध आज अपराह्न काठमाडौँमा अन्तरक्रिया कार्यक्रम समेत आयोजना गरेको छ ।
प्रतिक्रिया