एमालेलाई कमजोरी गर्ने र उत्ताउलो हुने छुट छैन : घनश्याम भुसाल

बुटवल । नेकपा एमालेका उपमहासचिव घनश्याम भुसालले एमालेलाई २०७४ सालकै वर्चश्वमा फेरि पनि फर्काउने उदघोष गरेका छन् । उनले एमालेमा आन्तरिक लोकतन्त्र बलियो बनाउन सकियो भने मात्र पनि मुलुकमा एमालेलाई हराउने शक्ति नभएको बताए ।

नेकपा एमाले रुपन्देहीका अगवा कार्यकर्ता भेलालाई सम्बाधेन गर्दै नेता भुसालले एकाले नेताहरु जिम्मेवार भूमिकामा रहनु पर्ने भन्दै मात्तिने छुट नभएको बताए । अध्यक्ष केपी ओलीकै उपस्थितीमा भुसालले एमालेको भूमिका जिम्मेवार हुनुपर्ने बताए । भुसालले एमाले सबै भन्दा ठूलो पार्टी भएकाले कमजोरी गर्ने र उत्ताउलो हुने छुट एमालेलाई नभएको स्पष्ट पारे । ‘हामी आज हामी कहाँ छौं ? एमालेसमेत विभाजित भएको छ । डेढ वर्ष अगाडि हामी त्यहाँ थियौं आज यहाँ छौं । आज पनि एमाले सबै भन्दा ठूलो पार्टी भएकाले कमजोरी गर्ने र उत्ताउलो हुने छुट हामीलाई छैन ।’ भेसालले भने

भुसालले आज नेकपामात्र होइन एमालेसमेत विभाजित भएको उल्लेख गर्दै विभाजनले लोकतान्त्रिक स्थिरता खोजेका जनताको विश्वासमा खेलवाड भएको बताए ।

आन्तरिकरूपमा लोकतान्त्रिक हुन नसके मुलुकको नेतृत्व गर्न नसक्ने बताउँदै उनले एमालेले आफैंभित्र पनि हरबखत न्याय र समानता कायम गर्न सक्नु पर्ने बताए । जति बढी कार्यकर्तालाई न्याय र समानता दिन सक्छौं त्यति नै मुलुक र जनतालाई न्याय गर्न सकिने भन्दै भुसालले एमालेभित्र कुनै व्यक्तिको पदभन्दा पनि अधिकार मागिएको बताए ।

‘हामी पनि आन्तरिक लोकतन्त्र बलियो बनाउँदै गयौं भने यो धर्तिमा, यो मुलुकमा एमालेलाई हराउने शक्ति छैन, हामी फेरि पनि २०७४ सालकै वर्चश्वमा फेरि पनि फर्काउँछौं ।’ उनले भने ,-‘हामीले जान खोजेको त्यसरी नै हो ।’