बुटवल । लाफा समुहको आयोजनामा बुटवलमा जारी ‘बि’ लेभल पुरुष भलिबल प्रतियोगिता २०७८ को दोस्रो चरणको खेल भै राखेको छ ।
मौसममा खराबी आएपछि खेल समापन गर्ने भनिएको दिनसम्म पहिलो चरणको खेल मात्र सकिएको छ । मौसमकै कारण खेल खेलाउन समस्या भएको समुहका अध्यक्ष तारा रेश्मीले बताए ।
आज दोस्रो चरणको अन्तिम खेल हुदै गर्दा पानी परेपछी आजको खेल रोकिएको छ । दिउसो करिब ५ बजे तिर पानी परेपछि त्यसपछिका सबै खेलहरु रोकिएको हो ।
आज भएको दोस्रो चरणको खेलमा न्यू होराइजनले जी एम समाजलाइ पराजित गर्दै तेस्रो चरणमा प्रवेश गरेको छ । त्यस्तै नमस्ते गुल्मीले स्टार युवा क्लबलाइ पराजित गरेको छ ।
आजै भएको खेलमा मदन भण्डारी स्पोर्ट्स एकेडेमीले बि ले जितेश्वरी युवा क्लबलाइ पराजित गरेको छ । आधिखोला युथ क्लबले मदन भण्डारी स्पोर्ट्स एकेडेमी ए लाइ, कंचन एकेडेमिले चरङ्गे युवा क्लबलाई, मसलाङ्ग स्पोटर्सले लाङघालीयुवा क्लबलाई पराजित गरेर तेस्रो चरणमा प्रवेश गरेको छ भने दिप बोडिङ्ग र डायमण्ड गोर्खा बिच खेल हुदै गर्दा पानी परेपछी बिचमा नै खेल रोकिएको छ । त्यो खेल भोली बिहान पुन सुरुबाट संचालन हुने लाफा भलिबल एकेडेमीका प्रशिक्षक विजय गुरुङ्गले बताए ।
प्रतियोगितामा विभागिय र राष्ट्रिय प्रतियोगिता सहभागी नभएका ४० टिमको सहभागिता रहेको कार्यक्रम सयोजक केशव रानाले बताए । प्रतियोगिताको उपाधि विजेताले नगद ४० हजार रुपैया, शिल्ड, प्रमाणपत्र, मेडलबाट पुरस्कृत गरिने आयोजकले जनाएको छ ।
यसैगरि द्धितिय टिमले नगद २० हजार, तृतिय टिमले नगद १० हजार रुपैया तथा सान्त्वना टिमले नगद ५ हजार रुपैया, शिल्ड, प्रमाणपत्र, मेडलबाट पुरस्कृत गरिने अध्यक्ष रेश्मीले बताए । आयोजकका अनुसार प्रतियोगिताको प्रथम, द्धितिय, तृतिय र सान्त्वना पुरस्कार युके निवासी दान बहादुर थापा, देविन थापा, ब्रुस थापा, खेम कुमार ९रबि०थापा, दिपेन्द्र थापाले ७५ हजार रुपैया बराबर रकम सौजन्य गरेका हुन् ।
प्रतियोगिताको समापन मंगलबार दिउसो २ बजे गरीने आयोजकले जनाएको छ
प्रतिक्रिया