बढ्यो नेपाल प्रहरी र सशस्त्र प्रहरीको रासन भत्ता

खबर कुरा
१८ आश्विन २०७८, सोमबार
                 

काठमाडौं । नेपाल प्रहरी र सशस्त्र प्रहरीहरुले अहिले पाईरहेको रासनमा १५ प्रतिशत थप गरेर रासन पाउने भएका छन् । रासन वृद्धि सम्बन्धी निर्णय लागू गर्ने निर्णय गर्दै अर्थमन्त्री जनार्दन शर्माले पाइल सदर गरेसँगै नेपाल प्रहरी र सशस्त्र प्रहरीको रासन १५ प्रतिशतले बृद्धि हुने भएको हो । प्रतिस्थापन विधेयकमार्फत रास बृद्धिका निम्ति बजेट व्यवस्था गरेका अर्थमन्त्री जनार्दन शर्माले सोमबार रासन वृद्धिसम्बन्धी फाइल सदर गरेका छन् ।

पूर्ववर्ती केपी ओली नेतृत्वको सरकारले बजेट व्यवस्था नै नगरी रासन वृद्धिको सैद्धान्तिक घोषणा मात्र गर्दा कार्यान्वयन हुन सकेको थिएन ।

लामो समयदेखि नेपाल प्रहरी र सशस्त्र प्रहरीमा रासन बृद्धि नहुँदा बजार भाउको महङ्गी बढ्दा समस्या देखिएको थियो । नेपाली प्रहरी र सशस्त्र प्रहरीका लागि नयाँ दररेट अनुसारको १५ प्रतिशत रासन वृद्धि गरेसँगै राज्य कोषमा एक आर्थिक वर्षमा १ अर्ब १७ करोड बराबर दायित्व थप हुने भएको छ ।

 

 

यसमा तपाइको मत

Your email address will not be published. Required fields are marked *


*