२४ घण्टामा ८०५ जना कोरोना संक्रमित थपिए, ९११ संक्रमणमुक्त, ८ को मृत्यु

काठमाडौं । पछिल्लो २४ घण्टामा नेपालमा ८०५ जना कोरोना संक्रमित थपिएका छन् ।

१० हजार ६७२ नमुना परीक्षण गर्दा ८०५ जनामा संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।

२४ घण्टाको बीचमा ९११ जना संक्रमित निको भएका छन् । यसै अवधिमा ८ जनाको मृत्यु भएको छ ।

आज देशभर सक्रिय संक्रमितको संख्या १४ हजार ९४२ रहेका छन् । सक्रिय संक्रमितको संख्या निरन्तर घटिरहेको छ । नेपालमा कोरोना संक्रमणबाट निको हुने दर ९६ दशमलव ६ प्रतिशत रहेको छ । यस्तै मृत्युदर १ दशमलव ४ प्रतिशत रहेको छ । हालसम्म देशभर ११ हजार २०० जनाले कोरोना संक्रमणकै कारण ज्यान गुमाएका छन् ।