काठमाडौं । अविरल वर्षाका कारण डुबानमा परेको सुनसरीको दुहबीस्थित १३२ केभी सबस्टेसन ३८ घण्टापछि सञ्चालनमा आएको छ । सबस्टेसन संचालनमा आएपछि विगत ३ दिन देखि अवरुद्ध प्रदेश नम्बर १ का अधिकांस जिल्लाहरुमा विद्युत सुचारु भएको छ । सबस्टेसन क्षेत्र डुबानका कारण मंगलबार राति साढे ८ बजेबाट बन्द भएको दुहबी सबस्टेसन बिहीबार बिहान साढे १० बजेबाट सञ्चालनमा ल्याइएको हो ।
दुहवी सबस्टेसन संचालनमा आएसँगै स्टेसनबाट निकालिएका लाइनको क्रमश ः चार्ज गर्दै त्यस क्षेत्रमा विद्युत आपूर्ति सहज हुँदै जाने विद्युत प्राधिकरणका कार्यकारी निर्देशक कुलमान घिसिङले जानकारी दिए ।
प्रदेश नं १ का जिल्लाहरुमा विद्युत आपूर्ति गर्ने मुख्य दुहवी सबस्टेसन डुबानमा परेपछि मोरङ, सुनसरी, झापा, इलाम, पाँचथर, ताप्लेजुङ, धनकुटा, तेह्रथुम, संखुवासभा, भोजपुरलगायतका जिल्लाहरुमा विद्युत आपूर्ति बन्द भएको थियो । सो सबस्टेसनमा रहेका ४ वटा पावर ट्रान्सफर्मरको क्षमता २१९ एमभिए छ ।
प्रतिक्रिया