७ श्रावण २०८१, सोमबार | July 22, 2024

आजबाट प्रदेश नम्बर १ मा पनि एमालेले सत्ता गुमाउँदै, एकीकृत समाजवादीका राजेन्द्र राई मुख्यमन्त्री बन्ने



काठमाडौं । गण्डकी प्रदेशबाट एमाले नेतृत्वको प्रदेश सरकार ढल्ने सृङ्खला आज प्रदेश १ मा पुग्ने करिव निश्चित जस्तै भएको छ ।

प्रदेश नम्बर १ का मुख्यमन्त्री भिम आचार्यले प्रदेशसभासँग मागेको विश्वासको मत उपर आज मतदान हुने भएको छ । संसदमा आचार्यलाई आवश्यक पर्ने मत नपुग्ने भएकाले प्रदेश १ मा पनि एमाले नेतृत्वको सरकार ढल्ने निश्चित जस्तै बनेको हो । यस अघि लुम्बिनी प्रदेशमा पनि एमाले नेता शंकर पोखरेल नेतृत्वको सरकार ढलिसकेको छ ।

प्रदेश नम्बर १ मा सरकार टिकाउन ४७ मत आवश्यक पर्ने भएपनि मुख्यमन्त्री आचार्यसँग ४७ मत छैन । प्रदेशसभामा सत्तारूढ एमालेका ४१ सांसद छन् । एकजना सभामुख र एक जना फरार सांसद घटाउँदा उसको मत संख्या ३९ मात्रै पुग्छ । संसदमा स्पष्ट बहुमत सिद्ध गर्न ४७ मत आवश्यक पर्छ । प्रतिपक्षी गठबन्धन भने ५० मत संख्या साथमा लिएर नयाँ सरकार बनाउने तयारीमा लागेको छ ।

विपक्षी गठबन्धनमा कांग्रेसका २१, माओवादी केन्द्रका १५, नेकपा एकीकृत समाजवादीका १०, जसपाका तीन र संघीय लोकतान्त्रिक मञ्चका एक गरी ५० सांसद रहेका छन् ।

सत्तारुढ गठबन्धनको केन्द्रीय नेतृत्वकाबीच प्रदेश १ र बागमतीमा नेकपा एकीकृत समाजवादीको नेतृत्वमा सरकार बनाउने सहमति भएको छ । जसअनुसार प्रदेश १ मा राजेन्द्र राई मुख्यमन्त्री बन्ने छन् । १० गते सम्मका लागि स्थगित भएको बागमती प्रदेशमा पनि एमाले उपाध्यक्ष अष्टलक्ष्मी शाक्य नेतृत्वको सरकार ढालेर राजेन्द्र पाण्डेलाई मुख्यमन्त्री बनाउने तयारीमा सत्ता गठबन्धन देखिएका छन् ।

प्रकाशित मिति : ७ कार्तिक २०७८, आइतबार  ९ : २१ बजे

लुम्बिनी प्रदेशको मुख्यमन्त्रीमा चेतनारायण आचार्यले गरे दाबी पेस

बुटवल । नेकपा एमाले संसदीय दलका उपनेता चेतनारायण आचार्यले लुम्बिनी

भ्रष्टाचारको निष्पक्ष र स्वतन्त्र छानबिनमा सरकार प्रतिबद्ध छ : प्रधानमन्त्री ओली

काठमाडौं । प्रधानमन्त्री केपी शर्मा ओलीले विभिन्न समयमा चर्चामा आएका

हरिवंश आचार्यले दिए आफ्नो स्वास्थ्य सामान्य रहेको जानकारी

काठमाडौँ । हास्य कलाकार हरिवंश आचार्यको नाकभित्रको सानो नसा फुटेको

प्रधानमन्त्री ओली र बर्षमान पुनबीच संसदमा भनाभन !

काठमाडौँ । प्रतिनिधि सभामा प्रधानमन्त्री केपी शर्मा ओली र माओवादी

देशभरका शिवालयमा भक्तजनद्वारा पूजाआजा

काठमाडौं । साउनको पहिलो सोमबार आज देशभरका शिवालयमा भक्तजनले पूजाआजा