प्रधानन्यायाधीस विरुद्ध बार आन्दोलनको काउन्टरमा इजलास बहिस्कार गर्ने न्यायाधीस विरुद्ध प्रदर्शन

खबर कुरा
१४ कार्तिक २०७८, आईतवार
                 

काठमाडौं । सर्वोच्च अदालतमा न्यायाधीशहरुले इजलास बहिष्कार गर्दा सेवाग्राही मारमा परेको भन्दै वकिल र कलाकारहरुको एक समूहले अलगअलग प्रदर्शन गरेको छ ।

न्यायाधीशहरुले इजलास बहिष्कार गर्दा सेवाग्राही मारमा परेको र न्यायापालिकामा गुटबन्दी सिर्जना भएकोले विरोधस्वरुप कलाकारहरुको समुहले मण्डलामा सडक नाटक प्रस्तुत गरेका छन् ।

यसगरी वकिलहरुको एक समूहले इजलास बहिस्कार गरेका न्यायाधीशहरुलाई काममा फर्किन दबाब दिँदै प्रदर्शन गरेको छ । प्रदर्शनकारीहरुले इजलास बहिष्कार गर्न नहुने भन्दै विभिन्न प्लेकार्डहरु समेत प्रदर्शन गरेका छन् ।

प्रदर्शकारीले ‘मुद्धा सुनुवाई गर्न छोडेर इजलास बन्द गर्ने कस्तो नैतिकता ? स्वतन्त्रता ?, न्यायमूर्तिका रुपमा स्थापित सम्माननीय न्यायाधीशहरुलाई इजलास बहिष्कार गर्ने अधिकार कसले दियो ?, हल्ला र गुटबन्दीको भरमा राजनीति चल्ला तर न्यायपालिका होइन, न्यायपालिका माथिको हस्तक्षेप बन्द गर, सबै खाले गुटबन्दीको अन्त्य गर, न्यायाधीशज्यूहरुबाट गरिएको हड्तालले न्यायमूर्तिको स्वभा दिएन, इजलासमा बसेर न्याय देउ, होइन भने राजीनामा देउ, हामी सेवाग्राही मारमा, न्यायाधीशहरु राजनीति, गुटबन्दी र बारमा’ लगायतका प्लेकार्ड बोकेका थिए ।

प्रधानन्यायाधीस चोलेन्द्र शमशेर जबराले राजीनामा दिनुपर्ने माग गर्दै नेपाल बार एशोसिएसनले आजदेखि चरणवद्ध आन्दोलन सुरु गरेको छ ।

यसमा तपाइको मत

Your email address will not be published. Required fields are marked *


*