एमसीसी पास गर्न नसकेपछि एमाले अध्यक्ष केपी ओलीले नेकपा विभाजन गरे : माओवादी प्रवक्ता महरा

खबर कुरा
१४ कार्तिक २०७८, आईतवार
                 

नेपालगन्ज । नेपाल कम्युनिष्ट पार्टी माओवादी केन्द्रका केन्द्रीय प्रवक्ता कृष्ण बहादुर महराले एमसीसी पास गर्न नपाएकै कारण एमाले अध्यक्ष केपी ओलीले नेकपा बिभाजन गराएको आरोप लगाएका छन् । वाईसिएल नेपालद्धारा बाँकेको कोहलपुरमा आईतबार आयोजीत शुभकामना आदान प्रदान तथा प्रशिक्षण कार्यक्रममा बोल्दै नेता महराले एमसीसी पास गर्न नसकेको झोँकमा ओलीले नेकपा विभाजन र संसद विघटन गरेको आरोप लगाएका हुन् ।

आफुलाई स्वघोषीत राष्ट्रवादी भन्ने ओलीले नेकपा बिभाजन गरेर भएपनि एमसिसि पास गराउन चाहेको उल्लेख गर्दै महराले फुटाएपछि पनि एमसीसी पास हुने नदेखिएपछि संसद विघटन गरेको बताए । उनले माओवादी केन्द्रका अध्यक्ष प्रचण्डको अडानका कारण एमसीसी पास हुन नसकेको बताउँदै माओवादी पार्टीले कहिल्यै राष्ट्रघात गर्न नसक्ने बताए । महराले सहिदका सपना र रगतका कारण पनि माओवादीले राष्ट्रघात गर्न नसक्ने महराको भनाई छ ।

एमसीसी पास गर्न नदिएकै कारण अगामी निर्बाचनमा माओवादीलाई हराउन देशी बिदेश प्रतिक्रिया वादीको चलखेल हुनसक्ने महराले बताए ।

कार्यक्रममा बोल्दै माओवादी युवा संगठन वाईसीएल नेपालका सहसंयोजक सुबोध राज सेर्पाइलीले माओवादी एजेण्डा र माओवादीले हाल सम्म गरेका कामहरु लिएर जनतामाझ जान वाईसीएल नेता कार्यक्रर्ता लाई निर्देशन दिए ।

 

यसमा तपाइको मत

Your email address will not be published. Required fields are marked *


*