बुटवल । तिलोत्तमाको शंकरनगरमा आज एकाबिहानै टिप्परको ठक्करबाट एकजना बृद्धा महिलाको ज्यान गएको छ ।
बिहान अन्दाजी साढे ६ बजेको समयमा टिप्परको ठक्करबाट गुल्मी कालीगण्डकी गाँउपालीका घर भएर तिलोत्तमा ३ सिता राईस मिल नजिकै बस्दै आएकी ७८ वर्षिया प्रेमकुमारी आचार्यको मृत्यु भएको प्रहरीले जनाएको छ ।
शंकरनगर स्थित सिद्धार्थ राजमार्गको जेब्रा क्रसिङबाट सडक पार गर्दै गरेकी आचार्यलाई ठक्कर दिएर टिप्पर फरार भएको प्रहरीले जनाएको छ । ठक्कर दिने टिप्परको खोजी भईरहेको र प्रहरी अनुसन्धानमा लु २ ख २२१६ नम्बरले ठक्कर दिएको तथा चालक सहित टिप्पर फरार भएपनि टिप्पर मालिक प्रहरी सम्पर्कमा आएको ट्राफिक सञ्चारले जानकारी दिएको छ ।
प्रतिक्रिया