काठमाडाैं । जनता समाजवादी पार्टी (जसपा) नेपालका सङ्घीय परिषद् अध्यक्ष डा. बाबुराम भट्टराईले एमाले अध्यक्ष केपी शर्मा ओली तथ्यहिन कुरा गर्दे हिँडेको आरोप लगाएका छन् । डा. भट्टराईले आज उनको ट्वीटरमा ट्वीट गर्दै एमाले अध्यक्ष ओलीलाई तथ्यहीन कुरा नगर्न सुझाव दिएका हुन् ।
ओलीले आज कर्णाली काठमाडों सम्पर्क मञ्चको कार्यक्रममा जनयुद्धका बेला जुनयुद्धकै पैसाले भट्टराई पुत्रीले बेलायतमा पढेको प्रसंग उजागर गर्दै बेलायत पढाउने पैसा बाबुरामसंग कहाँबाट आयो ? भनेर प्रश्न गरेका थिए । भट्टराईले ओलीको आरोपको खण्डन गर्दै आफूमाथि लगाएको आरोप प्रमाणित गर्न ओलीलाई चुनौती दिएका छन् । पूर्व प्रधानमन्त्री जस्तो मान्छेले तथ्यहीन उडन्ते कुरा गर्न शोभनीय नभएको डा. भट्टराईको टिप्पणी छ ।
भट्टराईले ओलीलाई चुनौती दिँदै लेखेका छन्, ‘मित्र खड्गप्रसादजी,पूर्व प्रम जस्तो मान्छेले तथ्यहीन उडन्ते कुरा गर्नु शोभनीय भएन। हाम्री छोरी मानुषी ७ वर्षको उमेरमा जनयुद्ध पूर्व २०४९–५१ मा आमा हिसिला छात्रवृत्तिमा बेलायत पढ्न गएको बेला सँगै गएर सँगै फर्केकी हुन् । त्यस यता उनी बेलायत गएको प्रमाणित गर्नोस् न !’
ओलीले आजै जनयुद्ध चलिरहेका बेला भट्टराई पुत्रीले बेलायत पढेको बताउँदै आफुहरुले भिसा पाउन नसक्ने देशमा युद्ध लडिरहेको पार्टीका नेताको छोरीले कसरी भिसा पाईन् ? भनेर समेत प्रश्न गरेका थिए ।
मित्र खड्गप्रसादजी,पूर्व प्रम जस्तो मान्छेले तथ्यहीन उडन्ते कुरा गर्नु शोभनीय भएन।हाम्री छोरी मानुषी ७बर्षको उमेरमा जनयुद्धपूर्व२०४९-५१मा आमा हिसिला छात्रवृत्तिमा वेलायत पढ्न गएको वेला संगै गएर संगै फर्केकी हुन्।त्यस यता उनी वेलायत गएको प्रमाणित गर्नोस् न! https://t.co/hkZQyPdini
— Baburam Bhattarai (@brb1954) November 7, 2021
प्रतिक्रिया