काठमाडौं । ‘कमेडी च्याम्पियन २’ का फस्ट रनरअप विक्की अग्रवाललाई मातृशोक परेको छ । सिक्किम निवासी अग्रवालकी आमा दुर्गा मगरको मंगलबार काठमाडौंको चाहविलस्थित मेडिकेयर अस्पतालमा मृत्यु भएको हो ।
मंगलबार दिउँसो आमालाई कोठामा छाडेर बाहिर काम विशेषले निस्केका अग्रवाल बेलुकी फर्किँदा आमालाई अचेत अवस्थामा फेला पारेका थिए । त्यसपछि तत्काल उपचारका लागि चावहिलको मेडिकेयर अस्पताल पुर्याउँदा डाक्टरहरुले मृत घोषित गरेका हुन् । उनी उच्च रक्तचाप र मधुमेहको बिरामी रहेको बुझिएको छ ।
दुर्गाको अन्तिम संस्कार भने सिक्किममै गरिने बताइएको छ । दुर्गाको निधन प्रति सामाजिक संजाल मार्फत थुप्रै सेलिब्रेटीले शोक ब्यक्त गरेका छन् ।
प्रतिक्रिया