प्रदेश-१ प्रदेशसभा बैठकमा एमाले सांसद अनुपस्थित, मुख्यमन्त्री राईले भोलि मात्र विश्वासको मत लिने

खबर कुरा
३० कार्तिक २०७८, मंगलवार
                 

विराटनगर । प्रदेश १ का मुख्यमन्त्री राजेन्द्र राईले आज लिने भनेको विश्वासको मतमाथिको प्रक्रिया भोलि मात्र अघि बढ्ने भएको छ ।

प्रमुख प्रतिपक्षी दल नेकपा एमालेका सांसदहरु अनुपस्थित भएपछि मुख्यमन्त्री राईले लिने विश्वासको मतको प्रक्रिया बुधबारसम्म पछि सरेको हो ।

विश्वासको मत लिने प्रयोजनका लागि आज बिहान ११ बजे प्रदेशसभा बैठक बोलाइएको थियो । तर बैठकअघि कार्यव्यवस्था परामर्श समितिको बैठकमा एमालेले विप्लव नेकपाको बन्दका कारण सांसदहरु उपस्थित हुन नसक्ने जनाएको थियो । तर, सत्तारुढ गठबन्धनका दलहरुले बैठक रोक्न सहमत नभएपछि एमाले अनुपस्थित भएको हो ।

एमालेको अनुपस्थितिकै बीच सुरु भएको बैठकलाई सभामुख प्रदीपकुमार भण्डारीले बुधबार ११ बजेसम्मको लागि स्थगित गरेका थिए । प्रमुख प्रतिपक्षी दलका एक जना मात्र सांसद पनि नभएपछि सभामुख भण्डारीले बैठक स्थगित गरेका हुन् ।

यसमा तपाइको मत

Your email address will not be published. Required fields are marked *


*