काठमाडौं । नेकपा (एमाले)को १० औँ राष्ट्रिय महाधिवेशनमा नयाँ नेतृत्वका लागि मंगलबार बिहान ४ बजेबाट मतदान भइरहेको छ ।
उम्मेदवार मत माग्न व्यस्त छन् भने मतदाता लामवद्ध छन् । बिहान ११ बजेसम्म मतदान हुने एमालेले जनाएको छ ।
अध्यक्षमा भीम रावल, उपाध्यक्षमा घनश्याम भुसाल, सचिवमा भीम आचार्य र टंक कार्की बागी उम्मेदवार बनेका छन् ।
केपी शर्मा ओलीलाई अध्यक्षमा रावलले चुनौति दिएका छन् भने ६ सिट रहेको उपाध्यक्षमा भुसालसहित सुवासचन्द्र नेम्वाङ, रामबहादुर थापा, अष्टलक्ष्मी शाक्य, विष्णु पौडेल, सुरेन्द्र पाण्डे र युवराज ज्ञवाली मैदानमा उत्रिएका छन् ।
भीम र टंकले दिएको ७ सचिव पदमा टोपबहादुर रायमाझी, रघुवीर महासेठ, छविलाल विश्वकर्मा, लेखराज भट्ट, योगेश भट्टराई, गोकर्ण बिस्ट र पद्मा अर्याल उम्मेदवार छन् ।
फोटो फिचर
प्रतिक्रिया