साइकल सिटि बुटवलको आयोजनामा ‘लुम्बिनी सम्पदा साइकल राइड-२०७८’ हुदै

खबर कुरा
१७ मंसिर २०७८, शुक्रबार
                 

बुटवल । साइकल सिटि बुटवलको आयोजनामा लुम्बिनी क्षेत्रसँग जोडिएका ऐतिहासिक तथा पर्यटकीय क्षेत्रको प्रवद्र्धन गर्नेगरी ‘लुम्बिनी सम्पदा साइकल राइड-२०७८’को आयोजना हुने भएको छ । ‘हाम्रो सम्पदा, हाम्रो गौरव’-भन्ने मूल नाराका साथ पौष २ र ३ गते साइकल यात्रा हुने भएको हो ।

शुक्रबार बुटवलमा आयोजित पत्रकार सम्मेलनमा बोल्दै साइकल सिटीका अध्यक्ष विनोद कार्कीले कार्यक्रमबारे जानकारी दिन जानकारी दिए ।

विश्व साइकल यात्री तथा सगरमाथा आरोही पुस्कर शाहको विशेष उपस्थितीमा २ दिनसम्म हुने साइकल यात्रामा लुम्बिनी क्षेत्रसँग जोडिएका देवदह, रामग्राम, कपिलवस्तु, सैनामैना, तिलोत्तमा लगायतका धार्मिक तथा ऐतिहासिक क्षेत्रको परिक्रमा गरिने उनले बताए ।

यात्रामा देशभरका करीब १५० बढी साइकल यात्री सहभागी हुने छन् भने उनीहरुलाई बस्ने खाने व्यवस्थाका लागि विभिन्न संघ–संस्थाहरुसँग समन्वय गरी उनले बताए ।

कार्यक्रम संयोजक बिमल बस्नेतका अनुसार लुम्बिनी प्रदेशभित्रका विभिन्न जिल्लाबाट ५० तथा अन्य जिल्लाहरुबाट सय बढी यात्रीहरु सहभागी हुने प्रतियोगितामा पुरुषहरुका लागि १५०० तथा महिला र बालबालिकाहरुका लागि ११०० सय प्रवेश शुल्क लाग्नेगरी दर्ता सुरु भइसकेको छ ।

बुटवलको जितगढी किल्लाबाट सुरु हुने साइकल यात्रा सम्पन्न गर्नका लागि १२ लाख बढी खर्च अनुमान गरिएको छ । बुटवल उपमहानगर, तिलोत्तमा नगरपालिका, देवदह नगरापलिका तथा सैनामैना नगरपालिकाको समेत सहयोग रहेको कार्यक्रमबाट यहाँको धार्मिक तथा पर्यटकी क्षेत्रको बारेमा प्रचारप्रसार तथा प्रवद्र्धन गरी पर्यटकीय विकासमा टेवा पुग्ने आयोजकले अपेक्षा गरेको छ ।

स्वास्थ्य र वातावरणका लागि साइकल यात्रा गर्नु पर्ने सचेतना फैलाउन समेत यो कार्यक्रमले सहयोग गर्ने क्लबका सचिव मनि विश्वकर्माले उल्लेख गरे ।

क्लबले आगामी वर्षमा साइकल यात्राको कार्यक्रमलाई थप बृहत बनाई यो वर्ष तय गरिएका धार्मिक तथा पर्यटकीय क्षेत्रहरु बाहेक अन्य स्थलहरुमा समेत पुग्ने गरी अहिलेदेखि नै कार्यक्रम योजना भइरहेको आयोजकले जनाएको छ ।

यसमा तपाइको मत

Your email address will not be published. Required fields are marked *


*