कांग्रेस १४ औं महाधिवेशन : लुम्बिनी प्रदेशमा १६७० मतदातामा १६३१ मत खस्यो

खबर कुरा
१८ मंसिर २०७८, शनिबार
                 

बुटवल । नेपाली काँग्रेसको १४ औं महाधिवेशन अन्तर्गत लुम्बिनी प्रदेश समितिका लागि आज बिहानबाट सुरु भएको मतदान सकिएको छ । नयाँ नेतृत्व चयनका लागि बिहान ११ बजेबाट सुरु भएको मतदान बेलुका ६ बजे सम्पन्न भएको हो ।

कुल १ हजार ६ सय ७० मतदाता मध्ये १ हजार ६ सय ३१ मत खसेको निर्वाचन समितिले जनाएको छ । भैरहवास्थित महेन्द्र सभागृहमा सम्पन्न मतदानमा मतदाताहरुको उत्साहपूर्ण सहभागिता देखिएको निर्वाचन समितिका संयोजक डा. बुद्धबहादुर थापाले जानकारी दिए ।

लुम्बिनी प्रदेशमा संस्थापन र संस्थापन इतर दुबै समूहले प्यानल सहितचुनावी मैदानमा होमिएका थिए।

संस्थापन पक्षबाट भरतकुमार शाहको नेतृत्वमा प्यानल र संस्थापनइतरबाट रोल्पाका निवर्तमान जिल्ला सभापति अमरसिंह पुनको नेतृत्वमा प्यानल चुनावी मैदानमा छ । बिहान ११ बजे गृहमन्त्री बालकृष्ण खाणले मत खसालेर मतदानको सुरुवात गरेका थिए ।

यसमा तपाइको मत

Your email address will not be published. Required fields are marked *


*