बुटवल । रुपन्देहीको तिलोत्तमा नगरपालिकाका एक वडा अध्यक्षले आफ्नो जन्म दिनलाई सामाजिक काम गरेर मनाएका छन् ।
तिलोत्तमा–९ का वडाध्यक्ष नारायण न्यौपानेले जन्मदिनको अवसरमा आफ्नै वडाको गौतम बुद्ध मा वि केवलानीका कक्षा १ देखि ६ कक्षा सम्मका १०३ जना विद्यार्थीलाई कापी कलम, लगायत शैक्षिक सामग्री र जुत्ता वितरण गरेका छन् भने विद्यायको स्कुल बस किन्न एकलाख रुपैयाँ सहयोग गरेका छन् ।
जन्मदिनकै अवसर पारेर शनिबार वडा कार्यालयमार्फत विद्यालयलाई स्वास्थ्य सामग्री समेत हस्तान्तरण गरिएको छ ।
शैक्षिक सामाग्री वितरण तथा स्वास्थ्य सामाग्री हस्तान्तरण कार्यक्रममा बोल्दै विद्यालय व्यवस्थापन समितिका अध्यक्ष गणेश शर्मा र प्रधानाध्यापक मृगेन्द्र शर्माले वडा अध्यक्ष न्यौपानेको सहयोगको सराहना गरे ।
वडा अध्यक्ष न्यौपानेले आफूले पाउने तलब भत्ता पनि आफूले नलिई विद्यालयका निजी स्रोतका शिक्षकको तलबमा खर्च गर्दै आएका छन् ।
प्रतिक्रिया