एम्बाप्पेको ह्याट्रिकमा पीएसजीको जित

खबर कुरा
२० पुष २०७८, मंगलवार
                 

काठमाडौं । केलियन एम्बाप्पेको ह्याट्रिकमा पेरिस सेन्ट जर्मेन (पीएसजी)ले फ्रेन्च कपमा सानदार जित निकालेको छ ।
सोमबार राति सम्पन्न खेलमा पीएसजीले वेन्समाथि ४-० को फराकिलो जित निकालेको हो ।

खेलको २८ औं मिनेटमा प्रेस्नेल किम्पेम्बेले गोल गर्दै पीएसजीलाई सुरुवाती अग्रता दिलाएका थिए । पहिलो हाफमा १-० ले अघि रहेको पिएसजीले दोस्रो हाफमा थप तीन गोल गर्‍यो ।

खेलको ५९ औं मिनेटमा किम्पेम्बेको सहयोगमा गोल गर्दै एम्बाप्पेले टिमको अग्रता दोब्बर पारे । त्यसपछि ७१ औं मिनेटमा जाभी सिमोन्सको पासमा एम्बाप्पेले व्यक्तिगत दोस्रो तथा त्यसपछि खेलको ७६ औं मिनेटमा जुनियर दिना एबिम्बेको पासमा गोल गर्दै ह्याट्रिक पूरा गरेका थिए ।

यो सँगै एम्बाप्पेले पीएसजीका लागि १ सय ९६ खेलमा १ सय ५० गोल गरेका छन् । खेलअघि लियोनल मेसीसहित चार खेलाडीलाई कोभिड-१९ पोजेटिभ देखिएपछि पिएसजी उनीहरूबिनै मैदानमा उत्रिएको थियो ।

यसमा तपाइको मत

Your email address will not be published. Required fields are marked *


*