स्काभेटर भित्र युवाको शव फेला, हत्याको आशंका

बुटवल । सिद्धार्थ राजमार्गको पाल्पा खण्डमा रोकेर राखिएको स्काभेटर भित्र युवाको शव फेला परेको छ । पाल्पा खण्डको तिनाउ गाउँपालिका-३ स्थित तल्लो सिद्धबाबा नजिकै स्काभेटर भित्र एक युवाको शव फेला परेको हो ।

स्काभेटरमा फेला परेको शव स्याङ्जाको कालिगण्डकी-३ का ४० वर्षीय अर्जुन घर्ती भएको जिल्ला प्रहरी कार्यालय पाल्पाले जनाएको छ । तल्लो सिद्धबाबा नजिकै सडक छेउमा पार्किङ गरेर राखिएको स्काभेटरमा ज्याकेटको टोपी हुने रसीले पासो लगाएर झुण्डिएको अवस्थामा घर्तीको शव फेला परेको प्रहरीले जनाएको छ ।

स्थानीयले शव देखेपछि तत्कालै इलाका प्रहरी कार्यालय दोभानमा खबर गरेका थिए । शवलाई थप अनुसन्धानका लागि पोष्टमार्टम गर्न पठाइएको प्रहरीले जनाएको छ । संकास्पद ढंगले शव भेटिएपछि हत्याको आशंका गरिएको छ ।