काठमाडौं । चर्चित फुटबलर हरि खड्का नक्कली प्रमाणपत्रसम्बन्धी मुद्दामा अदालतबाट दोषी ठहर भएका छन् ।
बिहीबार अख्तियार दुरुपयोग अनुसन्धान आयोगबाट परेको मुद्दाको फैसला सुनाउँदै विशेष अदालतका न्यायाधीशद्वय अब्दुल अजिज मुसलमान र नित्यानन्द पाण्डेको इजलासले खड्काले नेपाल प्रहरीमा बढुवा प्रयोजनका लागि पेश गरेको प्रमाणपत्र नक्कली भएको ठहर गरेको हो ।
खड्काले माध्यमिक शिक्षा परिषद्, बाराणसीबाट जारी भएको प्रविणता प्रमाणपत्र तह ९आईए० को झुटो प्रमाण पेश गरेर १ कात्तिक २०५५ मा प्रहरी सहायक निरीक्षक पदमा नियुक्ति लिएको अख्तियारको दाबीलाई विशेष अदालतले दाबी ठहर्ने फैसला गरिदिएको छ ।
सोही प्रमाणपत्रका आधारमा खड्का १४ पुस २०५९ मा प्रहरी नायब निरीक्षकमा बढुवा भएका थिए । खड्काले सन् २००३ देखि २००६ सम्म नेपाल पुलिस क्लबबाट फुटबल खेलेका थिए भने त्यसपश्चात ६ वर्षसम्म पुलिस टिममा व्यवस्थापकीय जिम्मेवारी सम्हालेका थिए । खड्काले प्रमाणपत्रको विवाद आएसँगै राजीनामा दिएका थिए ।
प्रतिक्रिया